– పాఠశాలల్లో మౌలిక సదుపాయాలు కల్పిస్తాం
– ఎన్టీపీసీ ఇ.డి.రాజ్‌కుమార్‌
(ప్రజాలక్ష్యం ప్రతినిధి)
గోదావరిఖని, సెప్టెంబర్‌ 28: రామగుండం-ఎన్టీపీసీ పరిసర గ్రామాల ప్రభుత్వ పాఠశాలల్లో విద్యనభ్యసిస్తున్న విద్యార్థులకు నోటుబుక్స్‌ను సోమవారం పంపిణీ చేశారు. ఈ కార్య క్రమానికి ఎన్టీపీసీ ఈ.డి.రాజ్‌కుమార్‌ ముఖ్యఅతిథిగా హాజరయ్యారు. ఈ సందర్బంగా ఆయన మాట్లాడుతూ.. విద్యార్థులు ప్రకాశవంతంగా ఎదగడానికి కష్టపడి చదవాలన్నారు. కెరీర్‌ను పెంపొందించుకోవాలని విద్యార్థులకు సూచించారు. కెరీర్‌ను పెంపొందించుకొని ఉన్నత స్థానంలో విద్యార్థులు వుంటే ఎన్టీపీసీ గర్వపడుతుందని పేర్కొన్నారు.
ప్రతి చిన్న అవకాశాన్ని విద్యార్థులు అందిపుచ్చుకోవాలన్నారు. నోట్‌బుక్‌లు, అధ్యయన సామగ్రి, సైకిళ్ళు, స్కాలర్‌షిప్‌ సమంగా అందించడం జరుగుతుందన్నారు.
పాఠశాలల్లో మౌలిక సదుపాయాలను ఎన్టీపీసీ (సీఎస్‌ఆర్‌) అభివద్ధి చేస్తున్నట్లు ఇడి రాజ్‌కుమార్‌ అన్నారు. ఎన్టీపీసీ అధికారులు అభయ్‌ కుమార్‌ సమాయార్‌, రఫీకుల్‌ ఇస్లాం, మండల విద్యాశాఖాధికారి డేనియల్‌ 62,600 నోట్‌బుక్‌లను పంపిణీ చేశారని ఈ.డి.రాజ్‌కుమార్‌ తెలిపారు.
పాలకూర్తిలోని రామగుండంలోని 118 ప్రభుత్వ పాఠశాలలకు చెందిన 12,500 మంది విద్యార్థులలో పెద్దపల్లి జిల్లాకు చెందిన అంతర్గాం, కమాన్‌పూర్‌ మండలాల్లో నాలుగు ప్రభుత్వం జూనియర్‌ కళాశాలు. రామగుండం మండలం మూడు ఐటిఐ కళాశాలలు (కరీంనగర్‌ నుండి ఒక్కొక్కటి, పెద్దపల్లి,రామగుండం)కు రూ.18.20 లక్షలు వెచ్చించామన్నారు. ఎన్టీపీసీ-టీటీఎస్‌ ప్రభుత్వ పాఠశాల 50 మంది విద్యార్థులకు నోటుబుక్స్‌ అందించామన్నారు.
ఈ సందర్భంగా నోట్‌బుక్‌లు, మిగిలిన నోట్‌బుక్‌లు దశలవారీగా పంపిణీ చేస్తామని ఈ.డి.రాజ్‌కుమార్‌ పేర్కొన్నారు. కోవిడ్‌ -19 పై సెంటర్‌ మార్గదర్శకాలకు కట్టుబడి కార్యక్రమాన్ని ఏర్పాటు చేశామన్నారు.
ఈ కార్యక్రమంలో దీప్తి మహిళా సమితి అధ్యక్షురాలు సాధన-రాజ్‌కుమార్‌, ఉపాధ్యక్షురాలు మనీషా సమాయార్‌, దీప్తి మహిళా సమితి సీనియర్‌ ఆఫీసర్లు, ఎన్‌టిపిసి-రామగుండం అధికారులు, ప్రధానోపాధ్యాయులు, ఉపాధ్యాయులు విద్యార్థులు పాల్గొన్నారు.
